COVID-19 hri kai enkawllai 464 la awm

Nimin tlai thlengin Mizoram-ah COVID-19 hri kai enkawllai mi 464 an awm.

Niminpiah khan Mizoram-ah Sample 554 enfiah niin heng atang hian COVID-19 hri kai mi 82 hmuh an ni a, Sample enfiah atanga chhutin za zela 14.80 te chuan hri an kai a, hri kai hmuh te hi Aizawl District-ah 31, Mamit District-ah 17, Saitual District-ah 11, Lunglei District-ah 9, Siaha District-ah 5, Champhai leh Hnahthial District-ah mi 3 ve ve, Serchhip District-ah mi 2 leh Khawzawl District-ah 1 te an ni.

Nimin khan Mizoram-a hri kai mi 94 te anmahni enkawlna hmun atanga chhuahtir niin nimin tlai thleng khan Mizoram-a COVID-19 hri kai hmuh tawh chu 2,37,260 an ni a, an zinga 2,36,074 te enkawl dam ni tawhin hri kai za zela 99.50 enkawl dam an ni tawh a, hri kai enkawllai 464 la awmin hri kai zingah mi 722 an boral tawh a ni.