Chite lui humhalhna sawiho

Save Chite Lui Executive Committee chu nimin khan an Chairman leh Chief Secretary Renu Sharma IAS hovin Chief Secretary Conference Hall, MINECO-ah an thukhawm a, he hunah hian Chite lui humhalhna kawnga hmalak dan tur relin, Chite Lui chhehvela ram neitute intawhkhawmna nei tura ruahmanna chu September thla chhunga neih turin rel a ni a. October leh November ah Chite lui-a bawlhhlawh leh thli luan uh theihna Veng hrang hrang Local Council te, YMA, MHIP leh MUP te nen intawhkhawmna liantham deuh buatsaih tum a ni bawk a. Heng Veng hrang hrang kohhran hruaitute nena inkawmhona pawh buat-saih tum a ni a ni.