Chief Minister nen inkawm

Zan khat riaka Mizoram-a rawn zin Union Cabinet Minister of Women and Child Development Smriti Irani-i chuan Inrinni tlai khan Chief Minister Zoramthanga Chief Minister Bungalow-ah hmuin inkawmna an nei a, Smriti Irani chuan chawhma lama Lunglei tlawhin District hotute nen inkawmna tha tak a neih thu Chief Minister chu a sawipui a. Sawrkar hmalakna in hma a sawn nan thawktute an hriatna leh thiamna belhchhah tura training pek pawimawh a tih thu leh sawrkar laipui chuan a tul anga training leh workshop buatsaih a inhuam thu te a sawi a ni. He hunah hian Chief Minister pawhin Mizoram chu state dang thenkhat khaikhin chuan economy hmasawnna kawng zawhna ah bul a tan har avanga hmun dangte nen ang khata khaikhin a theih vek lohna lai a awm thu te, State economy in hma a sawn zual zel theih nan theihtawp chhuah a nih thu te a sawi bawk.