Chaltlang YMA in ruang vawnthatna siam

Aizawl Chaltlang Branch YMA-in kum 75 an tlin lawmna atana hma an lakna pakhat, ruang vawnthatna (Refrigerated Mortuary) an bun thar chu nimin khan Bialtu MLA Vanlalhlana’n Chaltlang Thlanmual-ah a hawng a, he mitthi dahthatna hi Veng dang tan pawh hman an phal a ni.
Ruang vawnthatna siam thar hi chhiattawk chhungte, hmun hla zawka awmte’n ruang an hmuh hmaa thlahliam ngai thin tih tlem leh tihziaawm beiseina avanga an tih a ni a, Chaltlang Branch YMA hruaitute chuan chhiat tawk an awm changa mitthi chhungte a tuk mai a lo thleng thei dinhmuna ding, lung dam taka an inthlah theih mai tur te, ruang vawnthatna neih loh avanga lung dam lo taka invui liam a ngai thin chu mitthi chhungte tan a nat theih em avangin hetiang zawnga kalpui hi an tum ta tih an sawi a. Vengpawn mite pawhin an hmang duh a nih chuan ziakin an dil thei ang a, zan khat/ni khat dah man Rs. 2,000/- bituk niin, a aia rei an dah chuan zan khat/nikhat ah Rs.1000/- zel chawi belh tur a ni ang a, zan/ni thum bak indah hi phal a nilo ang, tiin a rel bawk. Ruang vawhthatna thar hi ft. 7-a sei niin ruang vawnna hmun hi inches 30-a zau, inches 49 a sang ni a. Ruang vawnna hmun hi 2-5°C a vawt niin, cheng 1,94,700/- man a ni.

Comments

Popular posts from this blog

Volleyball S/F khel dawn