Aizawl-ah Review Meeting nei

/

National Vector Borne Disease Control Programme (NVBDCP) leh State 10-a Health & Family Welfare Department te chuan ni 3 awh tur Regional Review Meeting (RRM) chu nimin khan Assembly Annex Conference Hall, Aizawl-ah an nei tan.

Regional Review Meeting (RRM) hi kumtin thla thum dan (Quarterly)-ah neih thin niin, Global Fund for AIDS, Tuberculosis, Malaria (GFATM) Projected States a tel heng North-East State 7- Assam, Meghalaya, Tripura, Nagaland, Arunachal Pradesh, Manipur leh Mizoram bakah Jharkhand, Odisha leh Chhat-tisgarh-ah te hian huaihawt thin a ni a, State 10 atanga Vector Borne Disease Control Prog-ramme a Programme Officers, Regional Directors, Consultants bakah Govt. of India atanga mithiam ten he hun hi an chhim thin a, State hrang hrang atanga VBD lama thawktu mi 80 vel he hunah hian an rawn tel a ni.

He Meeting-ah hian India ram a Malaria natna umbo anih theihnan a hmasawnna tur zirhona hun neih a nih thin bakah Malaria tihremna kawnga Programme hmalakna leh an hnathawh dan te thlirho thin a ni a, India sawrkar in kum 2030-a India ram Malaria natna awm tawhlohna a siam a tum mek angin Mizoram-ah pawh hma hmalak mek a ni.

Tun dinhmunah Mizoram hi India rama Malaria tamna ber State ni mekin, District 9 atangin District 4- Lunglei, Lawngtlai, Mamit leh Siaha te chu Malaria tamna District an ni a. Kumin January atanga August thla chhung khan Mizoram-ah Malaria vei mi 7672 hmuhchhuah tawh niin, Malaria vanga nunna chan mi 5 lai an awm tawh bawk a. Nikum 2021 January atanga December chhung khan Malaria vei hmuhchhuah zawng zawng mi 5637 niin, nunna chan mi 10 an awm bawk a, hei hi kumin a hmuhchhuah hian a khum tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »