Adopt a School hawng

Lawngtlai District-a zirna tihhmasawn nana Lawngtlai Bawrhsap Amol Srivastava leh DC Office-a Officer-te hmalaknaa ‘Adopt a School’ Project kalpui tur chu nimin khan Lawngtlai DC Conference Hall-ah a hawnna neih a ni a, he hmalakna hnuaiah hian a bultanna atan District Administration atanga official 8 (PD DRDA, Addl. DC, Election Officer, SDO (Sadar), BDO Lawngtlai, Superintendent leh SDC) te'n Lawng-tlai khawpui chhunga zirna In (Primary School atanga Higher Secondary School) vil tur 3 theuh an adopt a. Heng an School adopt-ah te hian zirna kawnga hma an sawn theih nan zirna In-a hotulu te leh Education Department-a hotute nen thawkho in a tul anga ngaihven, enzui leh kaihhruaina pek a ni dawn a ni.