Synod Prison Ministry in intuaitharna hun buatsaih

Synod Prison Ministry in Mizoram District hrang hranga Synod Prison Ministry hruaitute tana intuaitharna leh Awareness Campaign an neih chu a hmawr bawkna atan Serchhip District-ah Inrinni leh nimin Pathianni te khan neih a ni.

Serchhip District-a Synod Prison Ministry te tana intuaitharna atan hian Inrinni khan Chhiahtlang Venghlun Kohhran Hall-ah intuaitharna hun hi hman niin Synod Prison Ministry District Committee-a Chairman Rev. R. Zorammawia chuan a kaihruai a, Synod Prison Ministry-a Director Rev. Lalhmuchhuaka buatsaih ‘Jail-a thuhril dan tur leh inkhawm kaihhruaina’ tih chu zirho niin sawihona hun hman a ni bawk a. Chhiahtlang-a Serchhip District Jail-ah hun hman nghal a ni bawk.

He hmalakna kal zelah hian Inrinni zan atanga nizan thleng khan Serchhip khawpui chhung Presbyterian Kohhran thenkhat ah Synod Prison Ministry hmalakna inhrilhhriatna hun hman zui a ni a, Aizawl atanga rawn kal Synod Prison Ministry hruaitu ten thusawina hun an hmang a ni.

Comments

Popular News (Last 30 Days)

Serchhip DCSO sawn a ni