PMJVK hnuaia Project thehluh tur DC hovin thlirho
Pradhan Mantri Jan Vikas Karyakram (PMJVK) hi sawrkar laipui in Hnam tlem zawk (Minority) te tana zirna, hriselna leh thiamna kawng hrang hranga hmasawnna a awm theihna tura a duan niin hemi hmang hian Socio Economic Infrastructure Facility tha zawk pek chu a tum a ni a, he ruahmanna hmang hian Hnam tlem zawk te dinhmun leh rampum dinhmun inthlauhna zau lutuk tur chu tihziaawm tum a ni dawn a ni.
Nimin tlai-a Serchhip District atanga Project thehluh tur thlirhona hun Serchhip DC Meeting Hall-a neih ah hian Bawrhsap Nazuk Kumar chuan he Scheme nihphung te sawifiah hmasa in, PMJVK hnuaia Serchhip District chhunga Project hrang hrang te chu uluk taka thlir hova, an ngaih pawimawh zual te chu DC te kaltlanga Sawrkar a thehluh leh tur an nih dawn thu leh hei hi State Level-ah la thlirho leh tur a nih thu a sawi a ni.
PMJVK hnuaiah hian Serchhip District chhungah Line Department hrang hrang ten Project thehluh tur 38 zet an rawt a, heng te hi a mal te tein he hunah hian thlirho a ni a, rawtna lut zingah hian Career Coaching Centre and Skill Development Centre sakna tur te, zirna In hrang hranga building tihchangtlunna tur te, Community Infrastructure sakna turte, Market Shed sakna turte, Model Anganwadi Centre sakna turte, Doctor leh Nursing Superintendent Quarters sakna turte, Sub-Centre leh Health & Wellness Officers quarters sakna turte, Community Hall sakna turte leh infiamna hmunhma tihchangtlunna tur Project hrang hrangte pawh a tel a ni. Nimin a thutkhawm ah hian Addl. DC leh Addl. SP te bakah Committee Member leh Project nei Department aiawhte pawh an tel a ni.
Comments
Post a Comment