National Handloom Day pualin NABARD in hun hmang

National Bank for Agriculture & Rural Development (NABARD) Regional Office Aizawl chuan a vawi 8-na atan National Handloom Day lawmna denchhenin nimin khan Aizawl-a Vanapa Hall-ah Handloom Exhibition an buatsaih a, he hun hi Assembly Speaker Lalrinliana Sailo chuan a hmanpui a ni.

National Handloom Day hi India rampumah kum 1905-a Swadesh Movement (Mahni ram dehchhuah ngei chawisanna movement) hriatreng nan kum 2015 atang khan lhman thin a ni a, Exhibition hian tun thla ni 12 thleng a awh dawn a ni.

NABARD hi Parliament Act No 61, 1981 hmangin July 12, 1982 khan India ramah din a ni a, Mizoram-ah kum 1989 khan NABARD Sub-Office hawngin, kum 1989 khan Office puitling ah hlankai a ni. NABARD hi loan pechhuaktu (Credit institution) a ni a, Mizoram sawrkar tan loan pung tlem chi mamawhna hrang hrang atan a pechhuak thin a, Bank hrang hrang ten loan atana an lo pekchhuah leh tur sum a puk tir thin bawk. Heng bakah hian hmasawnna kawng hrang hrangah sawrkar department te pui thinin, hmasawnna lama thawk thin NGO te pawh Project Grant a pe thin a, kawngsir bazar (Rural Haat) engemaw zat an sa tawh bawk a ni.