MNF in lawmawm tih thu sawi

/

MNF Party chuan Mizoram NGO Coordination Committee leh Mizo mipuite duh dana Tripura a awm mek Bru te Mizoram Electoral Roll atanga voter 1074 zet paih an ni ta chu thil chhinchhiah tlak, ram tan mellung pawimawh tak phunna ah an ngai tih thuchhuah siamin an tarlang a. January 2020 khan Ministry of Home Affairs (MHA), Mizo-ram sawrkar, Tripura sawrkar leh Bru hruaitute'n Mizoram atanga Bru tlan thlate Tripura-a inbengbel turin inremna an ziak tih pawh tarlangin, he inremna ti hlawhtling tur hian hmalak mek zel a nih thu leh Mizoram sawrkar-in a theih anga chaka hma a la mek zel chu lawmawm an tih thu an tarlang a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »