MKHC kum 40-na lawm

Mizoram Kohhran Hruaitute Committee (MKHC) kum 40 tlinna Ruby Jubilee lawmna chu nimin khan Aizawl-a Synod Conference Centre-ah neih niin Chief Minister Zoramthanga chuan a hmanpui a,  MKHC in kum 40 chhunga ram tana thahnemngai taka thawka, member te inpe taka hma an la thin chu fakawm a tih thu sawiin, a lawmpui thu a sawi a. Mizoram in hun khirh tak a tawn laiin remna a awm theih nan mipui mangang thlabarte thalmuanna hna thawkin, Zoram Kohhran Hruaitute Committee a lo din tak dan te a sawi bawk.He huna tarlan a nih danin  MKHC hi August ni 13, 1982 khan Zoram Kohhran Hruaitute Committee (ZKHC) tia din niin, April ni 2, 1998 khan Mizoram Kohhran Hruaitute Committee (MKHC) tia thlak a ni.