Mizoram-ah COVID-19 kai 597 la enkawl mek

Niminpiah khan Mizoram-ah COVID-19 hri kai mi 222 lai hmuh belh leh an ni a, nimin tlai thleng khan hri kai enkawllai pawh mi 597 an awm leh tawh.

Niminpiah khan Mizoram-ah Sample 1055 enfiah niin heng atang hian COVID-19 hri kai mi 222 te hi hmuh an ni a, Sample enfiah atanga chhutin za zela 21.04 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah 1016 atang hmuh te vek an ni a, Aizawl District-ah 74, Lunglei District-ah 40, Saitual District-ah 23, Mamit District-ah 20, Champhai District-ah 15, Siaha District-ah 13, Lawngtlai District-ah 12, Khawzawl District-ah 10, Serchhip District-ah 9, Hnahthial District-ah 5 leh Kolasib District-ah mipakhat te an ni a, ZMC-a RT-PCR Laboratory-ah Sample enfiah 2 awmin hri kai hmuhchhuah an awm lo thung.

Nimin khan Mizoram-ah COVID-19 hri kai enkawl dam mi 177 an awm ve leh a, heti hian nimin tlai thlenga Mizoram-a COVID-19 hri kai hmuhchhuah chu 2,35,529 niin an zinga 2,34,215 te chu enkawl dam an ni tawh a, hri kai hmuhchhuah zinga za zela 99.44 chu enkawl dam ni tawhin hri kai enkawllai mi 597 leh hri kai boral 717 an awm tawh a ni.

Comments

Popular News (Last 30 Days)

Serchhip DCSO sawn a ni