Lehkhabu thar tlangzarh

/

Home Minister Lalchamliana chuan nimin khan Aijal Club-ah ‘War Veteran Hav. H. Kaphlira – India Sipai Rinawm’ tih lehkhabu chu a tlang-zarh a, he lehkhabu hi Indopui pahnihnaa Mizo Scout-a tel Hav. H. Kaphlira chanchin ziahna niin Dr. Laltluangliana Khiangte in a buatsaih a ni. Lehkhabu tlangzarhna hunah hian Home Minister chuan tunhma Mizo khawtlang nuna eizawnna kawnga hmasawnna atan leh an tu leh fate zirna kawnga chawikan kawngah Mizote tan War Veteran te leh Sipai tang hmasa te kha an hlu hle tih sawiin, War Veteran zinga chhuanawm tak chanchin ziahna Mizote zinga lehkha ziak lama kan chhuanvawr tak maiin a buatsaih thei chu lawm-awm a tih thu a sawi bawk. Sainik Welfare & Resettlement Department chhinchhiah danin Indopui II-na a Sipai tang war veteran 4000 vel zingah mi 17 an la dam a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »