JJM hmangin Serchhip District-a khaw 23 te Functional Tab Water Connection pek an ni tawh
Tunhnaia India Independence Day lawmna Serchhip-a neih ah RD Minister Lalruatkima chuan mipuiten tui thianghlim hnianghnar kan neih theih nan PHE Department kaltlangin hmalakna engemaw zat thawh mek a ni tih sawiin, Jal Jeevan Missions hmangin Serchhip District chhunga khaw 36 zinga 23 te chu Functional Tab Water Connection pek fel an nih tawh thu leh khaw dang 12 tan buaipui mek a ni tih sawiin, chhungkaw 6,070 te chu Connection pek fel an nih tawh thu a sawi a. NABARD sum hmangin Thenzawl Vanva Dam Pumping hna thawh mek a nih thu te, North Mualcheng khaw tui lakna tur Solar Pumping NABARD sum cheng nuai 880 senna tur chu Tender kalpui mek a nih thu leh NorthVanlaiphai Pumping tihlenna tur Tender pawh kalpui a ni tawh bawk.
Thingtlang khaw faina lama hmalakna (Swachh Bharat Missions Grameen)-ah pawh Serchhip District hian entawn tlaka hma a lak thu Minister chuan sawiin, East Lungdar RD Block-a khaw 11 chu Open Defecation Free (ODF) Plus Category sang ber Model Category-ah puan an nih tawh thu leh Individual Household Compost Pit chu Lêng, Chêkâwn, Vanchêngtê, Sialhau leh Hriangtlâng-ah te Swachh Bharat Mission – Gramin (SBM(G)) leh RD Department tangkawpin siam a ni tih a sawi a. Plastic Waste Resource Management Centre pawh Thenzawl-ah sak zawh tawh a nih thu leh Electric fitting thawh mek a nih thu a sawi bawk.
Chhungkaw hmasawnna tur lam hawi zawngin SEDP hnuaiah ruahmanna siam a nih thu pawh RD Minister hian sawiin, he Scheme hnuaiah hian beneficiary te thlan niin, an eizawnna duhthlan ah bultanna tur Rs. 50,000/- pek an ni dawn tih a sawi a. A enkawltu Department 9 te chu beneficiary an neihzat a zirin, he prog-ramme kalpui nan hian a vaiin sum vbc. 328.13 ruahman a nih thu a sawi a. SEDP hmangin kan District chhunga Ar vulhtu chhungkaw 29 te hnenah tanpuina pek an nih thu a sawi bawk a ni.
Pu Lalruakima thu sawi hi a dik leh dik loh in hria em.
ReplyDelete