Hri kai thar 5; Enkawl dam 8

Nimin khan Serchhip District-ah COVID-19 hri kai mi 5 hmuh belh niin hri kai mi 8 te chu anmahni enkawlna hmun atanga chhuahtir an ni bawk.

Nimin-a Serchhip District atang COVID-19 hri kai hmuhchhuah mi 5 zinga 3 te hi Thenzawl khua niin Serchhip P&E Veng leh Keitum khua ah hri kai mi pakhat ve ve hmuh an ni bawk. Nimin khan Serchhip District-a hri kai mi 8 te chu anmahni enkawlna hmun atanga chhuahtir niin Serchhip AOC Veng leh Dinthar Veng-ah mi pakhat ve ve bakah Lungpho leh Mualcheng khua ah mi pahnih ve ve leh Piler leh East Lung-dar khua ah mi pakhat ve ve te an ni.

Heti hian nimin tlai thlenga Serchhip District-a COVD-19 hri kai hmuh tawh zat chu 14,494 niin an zinga 14,443 te chu enkawl dam an ni tawh a, hri kai hmuhchhuah atanga chhutin za zela 99.76 te enkawl dam ni tawhin hri kai enkawllai mi 15 an la awm a, hri kai zingah mi 36 an boral tawh bawk a ni. Serchhip District a hri kai enkawllai la awm zinga mi 5 te chu Then-zawl khua niin Khawlailung-ah 4, Serchhip-ah 3, North Vanlaiphai-ah 2 leh Keitum-ah mi pakhat te an ni.

Comments

Popular posts from this blog

Tukverh-a tlasual boral