Hri kai thar 11 awm leh

/

Nimin khan Serchhip District-ah COVID-19 hri kai mi 11 hmuhchhuah leh niin hri kai mi 10 te enkawl dam an ni thung.

Nimin khan Serchhip District-a khaw 5 atangin COVID-19 hri kai mi 11 hmuhchhuah belh leh an ni a, Thenzawl chu hri kai hmuh tamna ber ni lehin hri kai mi 5 hmuh an ni a, East Lungdar-ah hri kai mi pahnih hmuh niin Serchhip khawpui chhung bikah P&E Veng leh Chanmari Veng-ah hri kai mi pakhat ve ve hmuh an ni a, heng bakah hian Sailulak leh Ngentiang khua atangin hri kai mi pakhat ve ve hmuh an ni bawk.

Nimin khan Serchhip District-a atangin hri kai enkawl dam mi 10 awm ve lehin heng te hi East Lungdar atangin mi 3, Lungpho, Thenzawl leh Ngentiang atangin mi pahnih theuh leh Serchhip Bazar Veng atangin mi pakhat te an ni.

Serchhip District-ah hian COVID-19 hri kai an pung leh hret hret mek a, nimin tlai thleng khan hri kai hmuhchhuah tawh chu 14,343 niin an zinga 14,227 te chu enkawl dam an ni tawh a, hri kai hmuhchhuah atanga chhutin za zela 99.19 chu enkawl dam ni tawhin hri kai enkawllai 81 an la awm a, hri kai zingah mi 35 an boral tawh bawk a ni.

Tun dinhmuna Serchhip District-a hri kai enkawllai la awm te hi Thenzawl-ah mi 47, East Lungdar-ah mi 10, Serchhip Town chhungah mi 9, North Vanlaiphai-ah mi 6, Ngentiang-ah 3, Bawktlang-ah mi pahnih leh Khawlailung, Lungchhuan, Lungpho leh Sailulak-ah mi pakhat theuh te an ni a. Serchhip Town-a mi hi P&E Veng-ah 4, Chanmari Veng-ah 2, Leisang Veng, New Serchhip leh Chhiahtlang-ah mi pakhat theuh te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »