Hri kai enkawllai 75 awm

Nimin tlai thleng khan Serchhip District-ah COVID-19 hri kai enkawllai mi 75 an la awm.

Inrinni khan Serchhip District-ah COVID-19 hri kai mi 4 hmuhchhuah niin an vai hian East Lungdar khua vek an ni a, nimin khan hri kai  mi 11 hmuhchhuah belh leh niin an zinga mi 6 te chu Thenzawl khua niin midang 5 te hi North Vanlaiphai khua an ni thung.

Inrinni khan Serchhip District-ah CO-VID-19 hri kai mi 7 enkawl dam an ni leh bawk a, heng te hi East Lungdar khua mi 3 bakah Serchhip P&E Veng, Serchhip IOC Veng, Lung-pho leh Thenzawl khua mi pakhat theuh niin nimin ah hri kai enkawl dam an awm belh lo thung a ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,310 niin an zinga 14,200 te chu enkawl dam an ni tawh a, hri kai hmuhchhuah atanga chhutin za zela 99.23 te chu enkawl dam an ni tawh a, hri kai enkawllai mi 75 la awmin hri kai te zingah mi 35 an boral tawh bawk a ni.

Comments

Popular posts from this blog