Hri kai enkawllai 68 awm

Nimin tlai thleng khan Serchhip District-ah COVID-19 hri kai enkawllai mi 68 an la awm.

Inrinni khan Serchhip District-ah COVID-19 hri kai mi 15 hmuchhuah an ni a, heng hri kai hmuhchhuah zinga mi 7 te hi Thenzawl khua niin East Lungdar-ah 3, Chhiahtlang Chhim Veng-ah mi pahnih leh Lungpho, North Vanlaiphai leh New Serchhip Venglai-ah mi pakhat theuh te an ni a, nimin ah hri kai hmuhchhuah chhinchhiah thar an awm lo thung a ni.

Inrinni khan Serchhip District-a hri kai enkawl zingah mi 12 te chu anmahni enkawlna hmun atanga chhuahtir an ni a, heng hri kai enkawl dam zinga 6 te hi Thenzawl niin North Van-laiphai-ah mi 3, East Lungdar-ah mi pahnih leh Serchhip P&E Veng-ah mi pakhat te an ni a. Nimin lamah hri kai enkawl dam an awm belh lo bawk a ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,382 an ni a, an zinga 14,279 te chu enkawl dam ni tawhin hri kai hmuhchhuah atanga chhut in za zela 99.28 enkawl dam an ni tawh a, hri kai enkawllai mi 68 la awmin hri kai zingah mi 35 an boral tawh bawk a ni.

Comments

Popular posts from this blog

Volleyball S/F khel dawn