Hri kai enkawllai 16 la awm

/

Nimin tlai thleng khan Serchhip District-ah COVID-19 hri kai enkawllai mi 16 an la awm a, tunhnaiah hri kai enkawllai hi nasa takin an tlahniam a ni.

Nimin khan Serchhip District-ah COVID-19 hri kai mi 3 hmuh belh leh an ni a, heng hri kai hmuh te hi Serchhip-ah mi pahnih leh Khawlailung-ah mi pakhat te an ni. Nimin khan Serchhip District-ah hri kai enkawl dam mi 13 an awm belh leh bawk a, heng zinga 5 te hi Khawbel khua niin Lungpho leh Serchhip Hmar Veng-ah mi pahnih ve ve bakah Sialhau, Thinglian, North Vanlaiphai leh Thenzawl khua ah mi pakhat theuh te an ni a. Khawbel, Lungpho, Thinglian leh Sialhau khua a hri kai te chu enkawl dam vek an ni leh ta bawk a ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,448 niin an zinga 14,397 te chu enkawl dam an ni tawh a, hri kai hmuhchhuah atanga chhutin za zela 99.64 te chu enkawl dam an ni tawh a, hri kai enkawllai mi 16 la awmin hri kai zingah mi 35 an boral tawh bawk a ni.

Serchhip District-ah hian khaw 5-ah hri kai enkawllai an la awm mek a, Serchhip-ah hri kai enkawllai tam berin mi 7 enkawl an la ni a, Thenzawl-ah mi 4, East Lungdar leh Khawlailung-ah mi pahnih ve ve enkawl la niin North Vanlaiphai-ah hri kai mi pakhat enkawllai a la awm bawk a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »