Habitat for Humanity India, Mumbai ten Serchhip damdawi In-ah hri leng dona bungrua hlan

Habitat for Humanity India, Mumbai chuan COVID-19 hri leng dona kawnga hmalakna ah a tul anga hman turin nimin khan Serchhip District Hospital tan bungrua chi hrang hrang cheng nuai 20 hu vel an hlan a, heng bungrua te hi Serchhip District Bawrhsap Nazuk Kumar IAS leh Health Department-a hotu ten an dawngsawng a ni.

COVID-19 hri leng dona atana heng bungrua hlanna puala inkhawm tawi Serchhip CMO Conference Hall-a neih ah District Bawrhsap Nazuk Kumar IAS chuan Habitat for Humanity India, Mumbai-in COVID-19 hri leng dona tura hmanraw tangkai leh an mawmawh tak tak an rawn pe chu lawmawm a tih thu sawiin, hri leg in ziaawm lam pan deuh angin lang mah se hmalam hun, a lo darh leh huk thei laka inven lawkna tha tak a nih dawn thu a sawi a. Hriselna kawngah Serchhip District tan District Hospital chu Inpui a nih angin heng hmanraw tangkai tak tak te hi COVID-19 hri mai nilo, hri dang hlauhawm tak lo leng thei lakah pawh Hospital mamawh tak tak an niin a tangkai hle tur thu a sawi a ni.


Serchhip District Medical Superintendent Dr. ZD. Lalmuanawma kaihhruai he hunah hian Habitat for Humanity India, Mumbai aiawha thu sawitu Leivish Leivon chuan an kalphung tlangpui sawiin, tun tuma District Hospital Serchhip hnena Medical bungrua an rawn pek te chu cheng Nuai 20 chuang man hu an nih thu a sawi a, hemi hmalam hian Zoram Medical College (ZMC) leh Christian Hospital Serkawn-ah te an lo hlan tawh thu a sawi bawk a ni.

Heng Medical bungrua inhlanna hunah hian Serchhip-a Health Department-a thawktute pawh telin District Surveillance Officers Dr. Lalngaihawmi Chhangte chuan lawmthu sawina hun a hmang bawk a ni.


Nimin-a bungrua an hlan te hi Oxygen Concentrator 10LPM (2), Pulse Oximeter (47), Thermometer (47), Nebuliser (15), Digital BP Apparatus (22), PPE Kit (250), N95 Mask (250), Surgical Mask (500), Surgical Glove (500), ICU Para Monitor (2), Glucometer (10), Shoe Cover (500), Surgical Cap (500), Disposable Towel (155), Stethoscope (10) leh Oxygen Mask (12) te an ni.

Comments

Popular posts from this blog