District tinah COVID-19 hri kai hmuh belh leh

/

Niminpiah khan Mizoram-ah COVID-19 hri kai mi 150 hmuh leh an ni a, Mizoram District tinah COVID-19 hri kai hmuhchhuah an awm a ni.

Niminpiah khan Mizoram pumah Sample 692 enfiah leh niin heng atang hian COVID-19 hri kai mi 150 te hi hmuh an ni a, Sample enfiah atanga chhutin za zela 21.68 te chuan hri an kai a, hri kai hmuh thar te hi Rapid Antigen Test hmanga Sample enfiah 688 atang hmuh te vek niin Lunglei District-ah 42, Aizawl District-ah 39, Saitual District-ah 14, Khawzawl District-ah 13, Lawngtlai District-ah 12, Serchhip District-ah 10, Siaha leh Champhai District-ah mi 6 ve ve, Kolasib leh Mamit District-ah mi pathum ve ve leh Hnahthial District-ah mi pahnih te an ni a. ZMC-a RT-PCR Laboratory-ah Sample 4 enfiah niin hri kai hmuh an awm lo thung.

Nimin khan Mizoram District 9 atangin COVID-19 hri kai enkawl dam mi 160 an awm belh ve leh bawk a, heti hian nimin tlai dar 5:00 thleng khan Mizoram-a COVID-19 hri kai hmuhchhuah tawh chu 2,33,287 niin an zinga 2,31,540 te chu enkawl dam an ni tawh a, hri kai hmuhchhuah atanga chhutin za zela 99.25 te enkawl dam ni tawhin hri kai enkawllai mi 1037 an la awm a, hri kai zingah mi 710 an boral tawh bawk a ni. Hri kai enkawllai tamna ber District chu Lunglei District ni mekin enkawllai 316 an awm a, Aizawl District-ah 309 enkawllai an la awm ve bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »