COVID-19 kai thar 129 leh chhuahtir 109 awm

/

Niminpiah khan Mizoram-ah COVID-19 hri kai mi 129 hmuh belh niin nimin khan mi 109 te chu anmahni enkawlna hmun atanga chhuahtir leh an ni bawk.

Niminpiah khan Mizoram-ah Sample 623 enfiah niin heng atang hian COVID-19 hri kai mi 129 hmuh niin Sample enfiah atanga chhutin za zela 20.71 te chuan hri an kai a. Hri kai hmuh zinga 127 te hi Rapid Antigen Test hmanga Sample enfiah 630 atanga hmuh niin ZMC-a RT-PCR Sample enfiah pahnih atangin hri kai pakhat hmuh a ni a, TrueNat Laboratory-a Sample enfiah pakhat in hri a kai bawk a ni. Niminpiah-a COVID-19 hri kai hmuh te hi Aizawl District atangin 44, Lunglei District-ah 24, Lawngtlai District-ayh 16, Mamit District-ah 12, Siaha District-ah 10, Serchhip District-ah 7, Saitual District-ah 5, Champhai, Kolasib leh Hnahthial District-ah mi pathum theuh leh Khawzawl District-ah mi pahnih te an ni.

Nimin khan Mizoram-ah COVID-19 hri kai mi 109 te chu anmahni enkawlna hmun atanga chhuahtir an ni ve leh a, heti hian nimin tlai thlenga Mizoram-a COVID-19 hri kai hmuhchhuah tawh chu 2,36,545 niin an zinga 2,35,257 te chu enkawl dam an ni tawh a, hri kai zinga za zela 99.45 te enkawl dam ni tawhin hri kai enkawllai mi 571 an la awm a, hri kai zingah mi 717 an boral tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »