COVID-19 kai enkawllai mi 80 la awm mek

Nimin tlai thleng khan Serchhip District-ah COVID-19 hri kai enkawllai mi 80 an awm.

Nimin khan Serchhip District-ah COVID-19 hri kai mi 10 lai hmuhchhuah belh leh an ni a, heng te hi khaw 5 atanga hmuh te niin Thenzawl khua atangin hri kai mi 5 hmuh an ni a, East Lungdar-ah hri kai mi pahnih hmuh ni bawkin Ngentiang, Khawlailung leh Serchhip Chanmari Vengthar-ah hri kai mi pakhat theuh hmuh an ni bawk.

Nimin khan Serchhip District-ah hri kai enkawl mi 5 chu anmahni enkawlna hmun atanga chhuahtir an ni ve leh a, heng te hi Thenzawl khua atangin mi 3 bakah Serchhip Venglai leh New Serchhip Bazar Veng atangin mi pakhat ve ve te an ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,332 niin an zinga 14,217 te chu enkawl dam an ni tawh a, hri kai hmuhchhuah atanga chhutin za zela 99.19 te chu enkawl dam an ni tawh a, hri kai enkawllai mi 80 lai la awmin hri kai zingah mi 35 an boral tawh a, vanneihthlak takin kumin May 2 hnuah Serchhip District-a COVID-19 hri kai zingah boral awm tawh lovin thla thum lai hri kai boral an awm lo tawh a ni.

Comments

Popular posts from this blog