COVID-19 hri kai enkawllai mi 66 la awm mek

Nimin tlai thleng khan Serchhip District-ah COVID-19 hri kai enkawllai mi 66 an awm.

Nimin khan Serchhip District-a khaw 4 atangin COVID-19 hri kai mi 5 hmuh an ni a, Thinglian khua ah hri kai mi pahnih hmuh niin Serchhip Zozam Veng, Thenzawl leh East Lungdar khua ah hri kai mi pakhat theuh hmuh an ni bawk. Nimin khan Serchhip District-ah hri kai enkawl dam mi 11 an awm belh leh bawk a, an zinga mi 5 te chu East Lungdar khua niin midang 4 te chu Serchhip Town chhunga mi an ni a, Ngen-tiang leh South Khawlek atangin mi pakhat ve ve enkawl dam an ni bawk. Serchhip Town-a hri kai enkawl dam te hi Chhiahtlang mi pahnih leh Tuikhuah Veng leh New Serchhip Venglai a mi pakhat ve ve an ni. 

Nimin tlai thleng khan Serchhip District-a COVID-19 hri kai hmuh tawh chu 14,435 niin an zinga 14,334 chu enkawl dam an ni tawh a, hri kai hmuhchhuah atanga chhutin za zela 99.30 te chu enkawl dam ni tawhin hri kai enkawllai mi 66 la awmin heng te hi Thenzawl-ah 15, Khawbel leh East Lungdar-ah mi 13 ve ve, Serchhip-ah mi 10, North Vanlaiphai-ah mi 5, Lungpho-ah mi 4, Piler leh Thinglian-ah mi pahnih ve ve leh Khum-tung leh Sialhau-ah mi pakhat ve ve an ni. Ser-chhip Town chhunga COVID-19 hri kai enkawllai la awm te hi Hmar Veng-ah 3, Bukpui leh P&E Veng-ah 2 ve ve leh New Serchhip, Tuikhuah veng leh Zozam Veng-ah pakhat theuh an ni.

Comments

Popular posts from this blog

Volleyball S/F khel dawn