COVID-19 hri kai enkawllai mi 649 la awm mek

/

Nimin tlai thleng khan Mizoram-ah COVID-19 hri kai enkawllai mi 649 an awm.

Zirtawpni khan Mizoram-ah Sample 497 enfiah niin heng atang hian COVID-19 hri kai mi 130 hmuh an ni a, Sample enfiah atanga chhutin za zela 26.16 te chuan hri an kai a, an vai hian Rapid Antigen Test hmanga hri kai hmuhchhuah vek an ni. Inrinni khan Mizoram-ah Sample enfiah 399 awm lehin heng atang hian COVID-19 hri kai mi 80 hmuh leh niin Sample enfiah atanga chhutin za zela 20.05 te chuan hri an kai a, heng mite pawh hi Rapid Antigen Test hmanga hri kai hmuh vek an ni.

Inrinni khan Mizoram-ah COVID-19 hri kai enkawl dam mi 77 awmin nimin (Pathianni) khan mi 126 te enkawl dam an ni leh a, heti hian nimin tlai dar 5:00 thleng khan Mizoram-a COVID-19 hri kai hmuh tawh chu 2,36,050 niin an zinga 2,34,648 te enkawl dam an ni tawh a, hri kai hmuhchhuah zinga za zela 99.42 te enkawl dam ni tawhin hri kai enkawllai mi 649 an la awm a, hri kai zingah mi 717 an boral tawh bawk a ni. Mizoram District tinah hri kai enkawllai an la awm a, Aizawl District-ah tam berin mi 203 enkawl mek an la ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »