CM hovin thukhawm

Nimin khan Chite Lui Coordination Committee chuan an Chairman leh Chief Minister Zoramthanga hovin Chite Lui tana hmalak mekna chungchang an sawiho a. Meeting-ah hian Save Chite Lui Committee leh Mizoram PWD tangruala an siam Reiek-a Plastic Road chu hun remchang hmasa berah CM hova hawn nise tiin, Bawngkawn leh Durtlang inkar kham pangper, Bawngkawn Kohhran Biak In kawmchhak chhova ramngaw leh thinghmun chu a kum tela a chereu thu leh helai hmun hi Chite Lui hnar a nih si avangin helai hmun humhalh dan tur chungchang sawiho a ni a, rawtna bulfuk zawk nena la sawiho leh tura dah a ni. Aizawl by-pass road laih tur leh leiverh in Chite Lui a nghawng theih dan tur pawh he hunah hian sawiho a ni bawk.