ASHA tan an hnathawh dan inzirtir tharna neih a ni

Serchhip District chhunga Accredited Social Health Activist (ASHA) te tan an hnathawh kawnga intuaitharna chu nimin khan Serchhip Hmar Veng YMA Hall-ah neih tan a ni.
Ni 3 chhung awh tur Serchhip District chhunga ASHA te tana  Refresher Training Serchhip Hmar Veng YMA Hall-a neih tan hi National Health Mission (NHM) District Programme Manager (DPM) Deborah Vanlalchhuangi chuan kaihruaiin State ASHA Trainer Lalramsangliani leh Lalmuankimi Sailo, Serchhip District ASHA Coordinator ten ASHA kalkhawmte hi an hnathawh dan hrang hrang an zirtir thar bakah an hnathawh dan tur kalphung thar te an zirtir a. Vawiin leh naktuk ah hian a hmun ngai ah chhunzawm tur niin Aizawl lam atangin State Trainer ten zirtirna hi an rawn pe leh dawn a ni.

ASHA te hi National Health Mission (NHM) hnuaia thawk te niin Serchhip District-a Veng leh khaw hrang hrangah mi 64 an awm mek a. Heng ASHA te hi nu in nau a pai lai leh a neih hnuah nu leh naute hriselna tur atan kawng hrang hrangin hma an la thin a. Naupai te reng reng Sub-Centre ah hruaiin Vaccine hrang hrang an laktir thin bakah Nu in damdawi In-ah nau a hrin theih nan hruaiin damdawi In atanga an chhuah hnuah pawh In lamah tlawhin hri danna tha taka an lak theih nan hma an la thin a. Heng bakah hian Vantlang hriselna leh naupang ten chawtha an hmuh theihna tur atan te leh kawng dang dang ah hna an thawk thin bawk a ni.

Comments

Popular posts from this blog

Volleyball S/F khel dawn