2nd Division-a Final khel tur a hriat ta

Independence Day/Screening Football Tournament 2022 khelh mekah 2nd Division atangin Keitum FC-I leh Kawn Veng FC te chuan an khingpui te hnehin Final an lut ta.

Serchhip Sports Complex-a 2nd Division Independence Day/Screening Football Tournament 2022 khelh mekah nimin khan Semi Final khelh niin inkhel hmasa zawkah Keitum FC-I chuan Field Veng FC chu 2-1 a hnehin Final an lut a, he inkhel ah hian Keitum FC-I tan hian Nathan Lalramhluna leh Lalremsanga te chuan goal khat ve ve an khung a, Field Veng FC tan Lalruatkima chuan goal khat a khung ve bawk a ni.

Nimin a 2nd Division Semi Final inkhel hnuhnung zawkah Kawn Veng FC chuan si khat fai-a P&E Veng FC hnehin Final an lut bawk a, he inkhel a goal awmchhun hi Lalruatsanga khung a ni.

Tun tum hi Screening Tournament a nih nghal avangin Keitum FC-I leh Kawn Veng FC ten naktuk chawhnu-a Final an khelh a chak zawk zawk chu 1st Division-ah an kaisang dawn a, a chak lo zawk hian 1st Division-a 7-na chu Play-off ah hmachhawnin 1st Division-a kai ve theihna remchang an la nei dawn a ni.

Comments

Popular posts from this blog

Volleyball S/F khel dawn