1st Div. in match 5-na khel zo ta
Serchhip Sports Complex-a Independence Day/Screening Football Tournament 2022 khelh mekah nimin a inkhel hmasa berah Chhekhnai FC leh AWC FC chu goal khat ve ve inpe in an inhnehtawk a, AWC FC hian F. Lalhmangaihzuala hmanga goal khungin chakpui tep mah se hun pek belh ah Chhekhnai FC tan Lalthuthlunga chuan an si phurh hi sutin 1-1 in an inhnehtawk a ni. Inkhel vawi hnihna ah Hmar Veng FC chuan FC Serchhip Kawnpui chu 2-1 in an hneh a, Hmar Veng FC tan Lalhunthara leh Lalfamkima te chuan goal khungin FC Serchhip Kawnpui tan C. Laldintluanga chuan goal khat a khung ve bawk a ni.
Inkhel vawi thumna ah New Serchhip FC in Bungpui FC, Hriang-tlang chu 3-1 in an hneh a, New Serchhip FC tan Zirlianthanga, H. Van-lalremruata leh Benjamin Zothanmawia te chuan goal khat theuh an khung a, Bungpui FC goal awmchhun hi Francis Zohmingmawia khung a ni a. Inkhel hnuhnung berah Vengchung FC in Chanmari FC 2-1 in an hneh a, Chanmari FC hian Felix Lalawmpuia hmangin goal khung hmasa mah se Vengchung FC tan Lalhruaizela leh Zonuntluanga ten an khung ve thung a ni.
Vawiin hian Second Division ten Group Match an khel leh dawn a, Group B leh C ten an Group Match hnuhnung ber khelin an Group atanga Quarter Final lut tur pawh hriat theih a ni dawn tawh a, chawhma dar 10:00-ah inkhel tanin Group B atangin Kawn Veng FC leh Hmar Veng FC (White) inkhelin FC Serchhip Kawnpui leh Darnam FC te an inhmachhawn anga. Group C atangin Chhekhnai FC leh Hmar Veng FC (Red) inhmachhawnin Field Veng FC leh New Serchhip FC te an inhmachhawn dawn bawk a ni.
Comments
Post a Comment