ZPM Chhung Inkhawm nei

ZPM Party chuan nimin khan Aizawl-a an Office-ah Chhung Inkhawm neiin he hunah hian an President Lalliansawta chuan ZPM chu kum 5 vel kalta ah khan pawl hrang hrang infinkhawmin an din a nih thu sawiin, “Ze hrang hrang nei, pawl hrang hrangte zaikhatah luangin harsatna eng eng emaw te chu tawk ve thin mah ila, Vawiin thlengin lungrual takin ke kan la pen zel a ni,” a ti a. “Mi hrang hrang, thiam leh theihna inchen lo tak tak, chitin fuankhawm kan nih miau avangin, engemaw changa han rik deuh nak nak lai nei thin mah ila, hei hi kan inpumkhatna siamtu, kan chakna hnar a ni,” tiin sawrkar siam ngei tumin chak takin an kal zel tih a sawi bawk.