Ramri-a Duty te Tui pe

Tunhnaiah Aitlang, Sabual Zau-a IR duty te tui in tur filter dan Media-a tihchhuah bawh-zuiin Congress Thalaite chuan nimin khan Mizo-ram leh Assam ramri duty Aitlang, Sabual Zau a mi IR te tlawhin tui in tur case 30, chhang ei tur leh filter te an Camp-ah an pe a. IR Duty te hian tun dinhmunah harsatna lian tham an nei lo tih lo sawiin, an tui in tur filter dan chu Chhattisgarh lamah pawh an lo tih thin dan a nih thu an sawi a. An tui filter thlalak pawh chu anmahni vawrhdarh a nih loh thu an lo sawi bawk a ni.