MGNREGS Material Component kalpui dan ACB chhui turin lok Ayukta in thupek a chhuah

BJP Mizoram Pradesh Vigilance Cell in ni 100 inhlawhna, MGNRESG hnuaia Material Component kalpui danah kalphung dik lo nasa tak a awm a nia sawia Lok Ayukta-a Complaint an thehluh chu Anti-Corruption Bureau (ACB) chhui turin June 29, 2022 khan Order tihchhuah a ni.

Hemi chungchanga nimin-a BJP Mizoram Pradesh thuchhuah chuan hemi chungchanga Rural Development Secretary insawifiahna chu Lok Ayukta in thu tling ah a ngailo nia tarlangin, ACB in Enquiry/chhui chianna neiin a tul leh dan angin Criminal case a kalpui dawn tih an tarlang a, Criminal Case rang taka siam a nih ngei an rin thu leh ACB chhui tura Lok Ayukta in Order a siam chu lawmawm an tih thu an tarlang a ni.

BJP Vigilance Cell te chuan tunkar Thawhlehni khan ACB Directorate Office-ah ACB Director leh Officer dang te hmuin ni 100 inhlawhna a thil fello awm chu rang taka chhui tura ngenin, report an lo ngaihchan reng tur thu an hrilh a. Ni 100 inhlawhna a eirukna nasa leh langsar lutuk, tualchhung mipui rilru leh khawtlang inrelbawlna thleng ti chhetu a inhnamhnawihte chhui chhuak thuai tura an phut thu sawiin, MGNREGS kalpui dan ah khawtin a mipuiin an aiawh tura an thlan VC/LC te kuta thuneihna dah tura an phut thu an sawi bawk a ni.