Leimin in dawr a hnawl

Nimin zing khan Kolasib-ah ruah thahnem tak surin Rengtekawn-a Lalropianga dawr chu kawngchhak leimin in a hnawl a, leimin hian Dawr neitunu Zosiamkungi (56) leh an dawr-a kal Lalramliana bakah naupang Jonathan-a te chu hnawl telin Zosiamkungi leh Lalramliana te hian hliam an tuar a, a bulhnaia lo awm ten dawr chim kar atang hian an lachhuak a ni. He leimin hian a bulhnai Garage-a awm Scooty 4 leh Auto Rickshaw pakhat a hnawl tel bawk a ni.