India President thlanna nei

India ram hotu lu ber President inthlan vawi 16-na chu nimin khan rampumah neih niin Mizo-ram-ah pawh Mizoram Legislative Assembly Committee Room, Main building-ah tluang taka Vote thlak a ni a, Mizoram MLA 40 ten Vote thlak vekin Vote thlak hmasa ber Lalchhuanthanga chuan chawhma dar 10:15-ah Vote thlakin a thlak hnuhnung ber Dr. K. Pachhunga chuan chawhnu dar 1:05-ah a thlak thung a ni. He inthlanna ah hian Ballot Paper hman niin Ballot Box pawh Vawiin hian Delhi panpui nghal a ni dawn a, tun thla ni 21 khian Vote tla te hi chhiar a ni ang. He inthlanna ah hian Mizoram MP, Lok Sabha MP C. Lalrosanga leh Rajya Sabha MP K. Vanlal-vena te chuan Delhi-ah Vote an thlak a ni.