Health Deptt. ten training nei

Serchhip District-a Health Department chuan nimin khan an hmalakna thenkhat thlirletna leh kalphung thar tur zirhona an nei.

Serchhip Chhim Veng Lalpuithanga Hall-a ‘District Level Review Meeting on HMIS, MCTS, Child Death and Maternal Death and ANMOL Training’ neih hi District Surveillance Officers Dr. Lalngaihawmi Chhangte chuan kaihruaiin District chhunga Medical Officer (MO), Community Health Officer (CHO), Health & Wellness Officer (HWO) leh Health Workers te an tel a, District Level-a heng Programme hrang hrang khawihtu ten he huna kalkhawmte hi zirtirna pein zawhna leh chhana hun hman a nih bakah sawihona hun hman a ni bawk.

Health Management Information System (HMIS) leh Auxiliary Nurse Midwife On-Line (ANMOL) te hi Portal hmanga Sub-Centre leh Health and Wellness Centre ten thla tin-a Report an thehluh thin te an thehluhna tur Application a ni a, a hma lama lehkha-a report an thehluh thin chu thla thar atang chuan Application hmang hian an thehlut tawh dawn a ni.

Mother and Child Tracking System (MCTS) hi nu leh naute hriselna dinhmun enfiah zuina tura Application siam thar niin heng te hi Sub-Centre atanga bul tanin hman a ni dawn a ni.