Har Ghar Tiranga sawiho

Union Home Minister Amit Shah hovin ‘Har Ghar Tiranga’ hmalakna chungchangah State Chief Minister leh Union Territory Lieutenant Governor leh Administrator te chuan niminpiah khan Video Conference hmangin thutkhawm an nei a, Har Ghar Tiranga hi India zalenna kum 75-na lawman ‘Azadi kan Amrit Mahotsav’ kal zela hmalakna niin, August ni 13 atanga ni 15, 2022 chhunga ram pum chenna In zawng zawnga Hnam puanzar zar theuh a nih theih nana hmalakna a ni. He Meeting-ah hian Har Ghar Tiranga chu India khua leh tui ten ram leh hnam hmangaihna an lo neih thuk lehzual an neih theih nan a ruahman anih thu sawi a ni a. He hmalakna hnuaia Flag mamawh zat leh senso ngai te, leina tur leh siamchhuah dan tur te sawiho niin Flag hi chi thum (size thum) a siam tura tih a ni a, NRLM hnuaiah ‘Flag production’ pawh telh a nih thu tarlan a ni.