ASF vangin Vawk 64 thi tawh

Kumin chhungin Serchhip District-ah African Swine Fever (ASF) vanga Vawk thi 64 a awm tawh.

AH & Vety Department chhinchhiahna atanga a lan danin kumin March thla tawplam khan Serchhip District-ah ASF hri hi a thawh hnihna atan leng lehin tunah hian khaw 4 te chu ASF hri lenna hmunah puan an ni tawh a, heng khaw 4-ah hian ASF vangin Vawk 64 thi tawhin Sailulak-ah 33, North Vanlaiphai-ah 14, East Lungdar-ah 10 leh Bawktlang-ah 6 te an ni a. Sailulak-ah hian Vawk 28 suat ni tawh bawkin Bawktlang-ah 25, North Vanlaiphai-ah 10 leh East Lungdar-ah Vawk 17 suat an ni tawh bawk.

Serchhip District-ah hian khua leh Veng 6-ah kumin chhung hian chhan hriatloha Vawk thi 20 awm tawhin Khua leh Veng 4-ah Vawk 77 zet suat a ni tawh bawk a, North Mualcheng-ah Vawk 14 lai thi tawhin Serchhip Field Veng ah 2 bakah Chhingchhip Mualpui leh Serchhip Darnam Veng, Vengchung leh P&E Veng-ah Vawk pakhat theuh an thi tawh a, New Serchhip-ah Vawk 62 suat ni tawhin North Mualcheng-ah 23 suat a ni tawh a, Serchhip Field Veng leh Hmar Veng-ah pakhat ve ve suat a ni tawh bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result