ASF hri lenna ah puan belh

New Serchhip North VC huamchhunga hmun thenkhat chu Vawk hri, African Swine Fever (ASF) lenna hmunah puan leh a ni.

Hemi chungchanga nimin-a Dr. John Lalhnuna, Sr. Veterinary Officer, Serchhip-in thuchhuah siama a tarlan danin tunhnai khan New Serchhip North VC huamchhung, Lungrual ram-a Lawmnasangzuala Chhangte Farm (Huan)-a Vawk te chu ASF vangin a thi nual tih finfiah a ni a, hei vang hian he huan atanga KM 1 (khat) bial chu July 14, 2022 atanga tiamchin awm lovin ASF hri lenna ah hian puan niin hmundanga lo kalpui tawh angin inkhuahkhirhna pawh kalpui nghal a ni bawk.

Thudawn danin tunhnai deuh khan Lawmnasangzuala Chhangte te Vawk vulhna hmun ah hian Vawk damlo awmin RAT hmanga enfiah a nih hnuah ASF hri an kai nia rinhlelh a nih tak avangin Vawk 66 zet suat a ni tawh a, Sample te RT-PCR hmanga enfiah tura thawn a nih hnuah ASF hri an kai ngei tih finfiah a ni ta a ni.