Stamp Duty lak tur zat bithliah dan tur sawiho a ni

Mizoram-a Stamp Duty lak tur zat bithliah thar chungchang chu nimin khan Land Revenue & Settlement Minister Lalruatkima hovin a Pisa-ah Revenue Department hotu pawimawh ten an sawiho.

He thutkhawm ah hian Revenue Minister Lalruatkima chuan tun dinhmuna Stamp Duty lak mek chu chhan hrang hrang vangin ennawn a tul thu sawiin, mipui nghawng nasa si lo leh sawrkar tana tha tho si, hmasawnna thlen tur ni bawk si ngaihtuah a ngai tih a sawi a ni.

Mi in ram a lei leh a hralh a nih a a neitu an inthlakthleng hian The Indian Stamp Act, Mizoram Amendment hnuaiah Stamp Duty pek a ngai a, he Stamp Duty hi a ram awmna leh a ram hmanna a zirin rate hrang hrang neih a ni a. Hetianga rate hrang hrang nei lo tur hian kum 2016 khan he Act hi siam that a ni a, rate hi 2% a dah tawp a ni. Amaherawh chu ennawn ngai awm a hriat a nih avangin he dan siam thar hi hman a ni ta rih lova, tun tumah hian ennawn leh niin a rate tur te sawiho a ni a, a tul angin sawrkarah hmalak chhunzawm a ni ang.

Ram neitu (pass holder) hming thlakna a pawisa chawi ngai ‘Mutation fee’ siamthat chungchang leh Deed hrang hrang siamna a Registration fee siamthat chungchangte pawh sawiho niin rawtna hrang hrang ngaihthlak a ni a. Mipuiten Deed hrang hrang an siamin sawrkarah register a pawimawh tih hi hria se an duh thu tarlangin, lirthei hralhna, thurochhiah, ram/inhmun etc. in hlanchhawn leh thil dang danga Deed an siamin register zel hian a hnu zela harsatna awm thei lakah an him a ni tih hria in mipuiten hei hi ngai pawimawh se an duh tih an sawi bawk.

Comments

Popular posts from this blog

Bialtu MLA in Laptop pe