NHM Monitoring Team ten Serchhip District tlawh

Sawrkar laipui atanga rawn kal National Health Mission (NHM) Monitoring Team, Dr. Oommen P. Methew leh a hote chuan tunkar chhung khan Serchhip District rawn tlawhin NHM hnuaia hmalakna hrang hrang an enfiah a, nimin khan Serchhip chhuahsanin Lunglei an pan leh a ni.


Heng NHM Monitoring Team te hian tunkar Thawhtanni khan Serchhip District rawn thlengin Thawhlehni khan Khawlailung PHC tlawhin Sialsir Health Clinic an tlawh bakah khawtlang hruaitute an kawm a, Nilaini-ah District Hospital tlawhin Ningani khan chawhma lamah Thenzawl CHC an tlawh bakah chawhnu lamah Serchhip CMO Office-a NHM hnuaia thawktute nen inkawmna an nei a, he hun hi DIO Dr. Lalngaihawmi Chhangte chuan kaihruaiin NHM hnuaia Programme hrang hrang kalpuina kawnga harsatna an neih te pawh thawktute chuan lo thlenin a sutkian dan turte an sawiho bawk a ni.

NHM Monitoring Team te hian kumtin Mizoram an rawn tlawh thin a, COVID-19 hri leng avangin nikum leh kum hmasa erawh rawn kal thei lovin kumin hian Mizoram-a an tlawh turah Serchhip District leh Lunglei District te an thlang a, nimin khan Serchhip chhuahsanin Lunglei an pan leh a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result