MPSC Chairman ruat thar

/

Mizoram Public Service Commission (MPSC) Chairman thar atan J.C. Ramthanga, IAS (Rtd) chu ruat a ni a,, karleh Thawhtanni-a a hun hmang zo tur Lalramthanga Tochhawng chu a thlak dawn a ni. MPSC Chairman thar ruatna hi nimin khan tihchhuah niin rinawmna thu tiam tira lakluh a nih atangin a mawhphurhna hi a chelh ang. JC. Ramthanga hi kumin May thla tawp-a Addl. Chief Secretary to Chief Minister atanga pension-a chhuak niin MPSC Chairman hna hi kum 62 tlin thlenga thawh theih a nih avangin kum 2 vel a hna hi chelh tura ngaih a ni. Thudawn danin JC. Ramthanga hi IAS 1989 Batch niin Manipur Cadre a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »