ICPS hnuaia District Jail Inspection Team ten Serchhip District Jail dinhmun an enfiah

Integrated Child Protection Scheme (ICPS) hnuaia din, District Jail Inspection Team te chuan nimin khan Serchhip District Jail tlawhin naupang kumtlinglo tang an awm leh awmloh bakah District Jail dinhmun te an enfiah.


Nimin-a District Jail Inspection Team ten Serchhip District Jail an tlawh lai hian Jail tang mi 51 awm mekin an zinga mi 5 te chu hmeichhia an ni a, an zinga pakhat chuan fa pawmlai neiin harsatna an neih leh neih loh te zawhfiah an ni bawk a. Jail-a awm mek te chuan an hriselna dinhmun pawh a that thu sawiin, Serchhip District Jail-a tang mek zinga mi 14 te hi an thubuai a thiamloh chantir tawh te an ni.

Nimin a Serchhip District Jail an tlawhna ah hian District Jail Inspection Team hi an Chairman leh Principal Magistrate Renee Lalremsiami Hmar chuan hovin Serchhip District Jail Superintendent Laldingliana Chinzah chuan a lo dawngsawng a, Jail chhunga Hmeichhe Ward tlawh hmasa in hemi hnu hian Mipa Ward enfiah leh a ni bawk a, Jail-a tang mek te harsatna an neih leh neihloh zawh an nih bakah Jail-a awm mek te pawhin zawhfiah duh an neih te an zawt a, heng te hi Principal Magistrate chuan chhangin, Case lian zual nei te chu Central Jail Aizawl lama thawn thlak an tul tur thu hrilhin, Serchhip-ah Ukil rawih man ngai lo chi mi pahnih sawrkarin a dah thu a hrilh a. Thubuai neih chuan a rang lama Ukil neih vat a finthlak thu sawiin, tuna sawrkarin Zu khapna a kalpui mekah inhremna a na hle a, Zu kaihhnawiha thubuai neih chu case dang ang bawkin a hlauhawm tawh hle a ni, a ti a. Anmahni vengtu ten tawngkaa an lo dilsak Futsal ball pek dan kawng an dapsak tur thu a sawi bawk.

District Jail Inspection Team te hian Jail chhunga inenkawlna te pawh enfiahin Choka leh Ward hrang hrang an fang a, Jail-ah hian Puantahna khawl pakhat awmin, hmeichhia aiin mipa in puantah an zir peihin an thiam zawk tih thawktute chuan sawiin, Jail danga hman tur Jail tâng Uniform an tah thin a. Hei bakah hian Vawk 6 vel vulhna tur Jail Compound-ah hian sak zawh a ni bawk a ni.

Comments

Popular posts from this blog

Bialtu MLA in Laptop pe