Latest News

Hri kai 24 hmuh belh leh

Nimin khan Serchhip District-ah COVID-19 hri kai mi 24 zet hmuh belh niin hri kai enkawllai pawh mi 28 lai an awm leh tawh a ni.

Nimin a Serchhip District-a COVID-19 hri kai hmuh belh mi 24 zinga 23 te hi Thenzawl PTS atanga hri kai hmuhchhuah te an ni a, PTS-ah hian a hma ni khan hri kai hmuhchhuah an awm avang leh  PTS-ah hian Police Training an awm nual bakah Complex chhungah in hnaih tak taka cheng an nih avangin nimin khan Mass Test neih a ni a, hetah hian Sample 58 enfiah niin heng atang hian COVID-19 hri kai mi 23 hmuh an ni ta a ni. Nimin vek khan Serchhip Chanmari Veng-ah COVID-19 hri kai hmuhchhuah mi pakhat an awm leh bawk a ni.

Heti hian nimin thlenga Serchhip District-a COVID-19 hri kai hmuhchhuah tawh chu 14,037 niin an zinga 13,974 te chu enkawl dam an ni tawh a, hri kai enkawllai pawh mi 28 awm leh tawhin hri kai zingah mi 35 an boral tawh a ni.

Comments

Popular News (Last 30 Days)