Govt. Serchhip College result a tha thawkhat

Mizoram University hnuaia Undergraduate (BA/B.Sc/B.Com/B.Sc Home Science) leh Professional Course thenkhat (BCA/MCA/BSW/BBA) result chu nimin khan tihchhuah a ni a, zirlai Exam 4819 zinga 4183 te chuan pass in za zela 86.80 in an pass a ni.

Tun tuma Undergraduate result chhuakah hian Govt. Serchhip College pawh an titha thawkhat viau a, Bachelor of Arts (BA) VI Semester Regular-ah mi 82 exam in mi 73 an pass a, zirlai za zela 89.02 pass ang an ni a. Distinction-ah mi 12 leh First Division-ah mi 61 an pass a ni.

Bachelor of Science (B.Sc) VI Semester Regular-ah mi 27 exam in 24 in an pass a, 88.89% pass ang an ni bawk a, Distinction-ah mi 13 leh 1st Division-ah mi 11 in an pass a, Govt. Serchhip College atang hian H. Lalzawnchhuahi s/o Zohmingthanga, Chanmari Veng chu B.Sc (Chemistry)-ah Mizoram pumah 9-na a ni. Bachelors in Computer Application (BCA) VI Semester-ah mi 5 ten Exam in an vai hian 1st Division-ah an pass vek bawk a ni.

Hei bakah hian Bachelor of Arts (BA) 2nd Semester Regular-ah mi 175 exam in 171 in an pass a, 97.71% pass ang niin Repeaters ah mi 5 exam in an pass vek a. 4th Semester Regular-ah mi 107 exam in 105 in an pass a, za zela 98.13 pass ang niin Repeaters-ah mi pakhat exam in a pass bawk a ni.

Govt. Serchhip College atang hian Bachelor of Science (B.Sc) 2nd Semester Regular-ah mi mi 28 exam in an pass vek a, Repeaters-ah mi 2 exam bawkin an pass ve ve a. 4th Semester Regular-ah mi 21 exam in an pass vek bawk.

Nimin-a MZu in Undergraduate result a tihchhuah ah hian Serchhip mi hmundang a lehkha zir atangin hriat theih chinah Samuel Lal-hruaitluanga s/o Lalrammawia, Serchhip Dinthar Veng chu Sociology-ah Mizoram pumah 2-na a ni bawk.