Damlo thihna chhui dawn

Sialsuk PHC-a damlo enkawl Lalrengpuia, Sialsuk khua damdawi In atanga hnawhchhuah leh a hnua a boral zui chungchang Social Media a tunhnaia tarchhuah ah Sialsuk PHC-a thawklai Dr. Linda Lalbiaknungi chu nas taka puhmawh a nih avangin hemi chungchang chhuichiang tur hian Health & Family Welfare Department chuan Aibawk BDO Chinlianmanga MCS chu a ruat a, June 10, 22022 ralhmaa report thehlut tura tih a ni bawk. Social Media lama tarlan a nih danin Sialsuk PHC-a enkawl Lalrengpuia hi he damdawi In-a thawk Doctor hian pawisa a tihbo chungchangah nasa taka ankhumin, Oxygen a hip lai chu hlipin damdawi In hian a chhuahtir a, damdawi In atanga a chhuah dawn pawh hian mahni-a kal thei la ni lovin Doctor hian tawngkam mawilo takin ala ankhum nia sawi a ni a, a tuk zan-ah a boral zui ta nia tarlan a ni bawk.