Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Assam-ah tui in tur thawn zel

/

Tunhnaia tuilian nasa tak tuar Silchar (Assam) ah mipui ten tui in tur an tlakchham mek avangin Mizoram atangin tui thianghlim in tur hi thawn mek a ni a, Central YMA hmalakna a Pathianni a tui litre 15,000 vel thawn a nih hnuah Mizoram sawrkar-a Disaster Management & Rehabilitation Department hmalakna in Medium Tanker panga (5) leh HMV Tanker pakhat (1) in Aizawl atangin Silchar an pan bakah 1st IR Tanker lian pakhat a kal bawk a. heng te hian Vairengte PHE line-a tui chawiin Silchar hi an pan dawn a ni. Heng te bakah hian Pathianni vek khan PHE Department Pickup Truck pahnih leh 407 Truck pakhat in DRC, Silchar-ah tui thianghlim an dah tawh a. Aizawl FC Tanker (4000 ltr.) in Assam sawrkar ruahmanna a sem turin tui thianghlim a thiar thla tawh bawk a ni.

Comments

Post a Comment

Popular News (Last 30 Days)