Vawk lakluh khap leh a ni

Serchhip District-a Vawk lakluh chungchang ah khapna thupek tihchhuah a ni leh ta.

Hemi chungchanga April 26, 2022-a Serchhip District Magistrate in The Prevention and Control of Infectious and Contagious Disease in Animal Act 2009 section 20 leh section 144 of Cr.PC 1973 tlawhchhana thuchhuah a siam ah tunlaiin Serchhip District thenawm Champhai, Khawzawl, Saitual leh Aizawl District khaw thenkhat ah Vawkpul hri, African Swine Fever (ASF) a léng mek tih tarlangin, hei vang hian Serchhip District chhungah ramdang leh State dang bakah, Mizoram chhúng District dang atangin Vawk, Vawksa leh Vawksa atanga thil siam reng reng lakluh phal a ni lo tih a tarlang a. Serchhip District chhung, khua leh khua a Vawk phur sawn turte chuan Veterinary Health Certificate leh CSF Vaccination Certificate bakah tualchhung Vawk ngei a ni tih VC-te hriatpuina lehkha an nei ngei ngei tur a ni a, Vawk damlo reng reng ei tur atan hralh leh talh khap niin Vawk damlo leh thi te chu AH&Vety Department Official te hnenah hriattir vat thin tur a ni bawk.