Silai inkahsiakna zofel ta

Serchhip District Rifles Asssociation (SD-RA) buatsaih Serchhip District Shooting Championship chu Zirtawpni leh Inrinni khan Serchhip ah neih a ni.

Tun tuma Serchhip District Shooting Championship-ah hian Category 7-ah inelna neih niin SDRA Shooting Gallery, Serchhip Venglai leh SDRA Shooting Range, Sports Complex-ah te intihsiakna hi neih a ni a. Youth Girls Air Pistol-ah Lalduhawmi Khiangte (Vengchung) chu pakhatna niin Lallawmkimi (Vengchung) chu pahnih a ni a. Youth Boys Air Pistol-ah Joseph Lalchhuanmawia (New Serchhip) chu pakhatna niin Lalhriatkima Khiangte (Vengchung) chu pahnihna a ni bawk.

Senior Men Air Pistol-ah Lalnunkima (Chhim Veng) chu pakhatna niin K. Vanrosanga (Vengchung) chu pahnihna a ni a, Youth Girls Air Rifle-ah Lalduhawmi Khiangte (Vengchung) chu pakhatna niin Lallawmkimi (Vengchung) chu pahnihna a ni. Youth Boys Air Rifle-ah Joseph Lalchhuanmawia (New Serchhip) pakhatna niin Lalmuankima (Bazar Hnuai) pahnihna a ni a, Senior Men Air Rifle-ah Andrew Lalrinmuana (New Serchhip) pakhatna niin Lalawmpuia Sailo (Ramthlun Veng) pahnihna a ni a. Senior 50meter .22lr-ah Vanlaldailova (AOC Veng) pakhatna leh PC. Lalengkima (Bazar Veng) pahnihna a ni bawk.

Comments

Chhiar Hlawhte