SEDP-a Ar vulh thlangtute Ar note sem an ni

Serchhip-a AH&Vety Department chuan Inrinni khan SEDP hnuaia Ar vulh Pilot Project hnuaia Rainbow Rooster thlangtute leh Article 275 hnuaia Ar vulh tura thlan te hnenah Ar note leh a Chaw an semchhuak.

AH&Vety Department hnuaiah hian Serchhip District-ah SEDP hnuaia Ar vulh Pilot Project kalpui ah hian Ar vulh tura thlan mi 29 awmin heng zinga 22 te chuan Broiler vulh thlangin mi 7 te chuan Rainbow Rooster vulh an thlang thung a. Rainbow Rooster vulh thlangtute hi 1st Instalment Rs. 47,000/- leh Broiler vulh thlangtu Rs. 64,000/- te pekchhuah niin Broiler vulh thlangtute hi 2nd Instalment Rs. 42,300/- leh Rainbow Rooster vulhtute hi Rs. 50,800/- pek leh an ni a, Rainbow Rooster vulh turte hian anmahni a Ar vulh tur chah an harsat avangin AH&Vety Department hian Ar note chah sakin Inrinni khan Ar note 100 theuh pek an ni a, hemi hmalam hian Ar note 200 theuh pek ni tawh bawkin 3rd Instalment Rs. 25,400/- an dawn tur atangin Ar note 100 theuh pek leh an ni dawn bawk a ni. SEDP hnuaia Ar vulh thlangtute tanpuina pek tur zawng zawng hi Broiler vulh thlangtute tan Rs. 1,27,450/- leh Rainbow Rooster vulh thlangtute tan Rs. 1,23,200/- a ni.

Hei bakah hian Inrinni vek khan Article 275 kaltlangin Ar vulh tura thlan chhungkaw 150 te hnenah Ar note 15 theuh leh Ar Chaw semchhuah a ni bawk a, heng Ar note te hi Serchhip-a DVO Office leh Thenzawl-a AH&Vety Dispensary atangin semchhuah a ni.