Latest News

Pukzing ram sahthlak tum vangin MZP chechhuak

Mizoram sawrkarin Pukzing Village Council ram satthlaa a chhehvela Chakma khua- Silsuri, Hnahva, Hruiduk, Bekabeki leh Tuikuk khua Pukzing Vengthar te hnenah Pukzing ram pak a tum nia hriain nimin khan MZP General Hqrs. hruaitute chuan Pukzing khua hi an tlawh.

Mizo Zirlai Pawl (MZP) General Hqrs. hruaitute hian nimin khan Mamit District-a Pukzing khua hi an President Lalnunmawia Pautu leh hruaitu dangte nen tlawhin Pukzing ram sahthlak chungchang hi Pukzing VC leh YMA hruaitute nen an sawiho a, Pukzing khawtlang hruaitute chuan VC ding tharte hnenah an khaw ram sahthlak an phal loh thu leh a tawp thlenga an do tur thu te, No Objection pawh an sign dawn loh thute leh sawrkarin a pe lui a nih chuan thisen chhuah hial pawh an hreh dawn loh thute an lo sawi a. MZP General Headquarters hruaitute pawh a tul anga thawhpui turin Pukzing VC te chuan an lo sawm nghal a ni.

MZP hruaitute leh Pukzing khawtlang hruaitute chuan Tuikuk leh Chakma khuate tana VC thar siam a nih avanga ram sahthlak a nih loh nan a tul anga hmalak ho zel ni se an ti a, MZP chuan kan ram, kan hnam a him theih nana theihtawp chhuaha hma an lo lâk tawh chu an chhunzawm zel dawn tih sawiin, Hnamdang lakah kan ram kan chan zel loh nan leh kan ram a him zel theih nan hnamdangte tana ram sahthlak sak lo turin thuneitute an ngen nghal bawk tih an sawi a. Hnamdangte ram sahthlak tumna hi tih tlang a nih chuan a tawp thlengin an do zel dawn tih an sawi bawk.

Comments

Popular News (Last 30 Days)